தஞ்சை மாவட்டத்தில் இருந்து ரெயில் மூலம் 1,000 டன் நெல் ஈரோட்டிற்கு வந்தது

ஈரோடு

ஈரோடு மாவட்ட பொது வினியோக திட்டத்திற்காக பல்வேறு மாவட்டங்கள் மற்றும் மாநிலங்களில் இருந்து நெல், கோதுமை, அரிசி உள்ளிட்ட உணவு பொருட்கள் கொள்முதல் செய்யப்பட்டு வருகிறது. அதன்படி தஞ்சை மாவட்டத்தில் இருந்து 1,000 டன் நெல் கொள்முதல் செய்யப்பட்டது.

இந்த நெல் மூட்டைகள் 21 பெட்டிகள் கொண்ட சரக்கு ரெயில் மூலம் நேற்று காலை ஈரோடு ரெயில்வே பணிமனைக்கு வந்தடைந்தது. இந்த மூட்டைகள் சுமைதூக்கும் தொழிலாளர்கள் மூலம் நூற்றுக்கணக்கான லாரிகளில் ஏற்றப்பட்டு, நெல் சேமிப்பு கிடங்குகளுக்கு அனுப்பி வைக்கப்பட்டன. இந்த நெல் மூட்டைகள் அரவை ஆலைகளுக்கு அனுப்பி வைக்கப்பட்டு அரிசியாக்கிய பின்னர் பொது வினியோக திட்டத்தின் கீழ் பொதுமக்களுக்கு வினியோகிக்கப்படும் என அதிகாரிகள் தெரிவித்தனர்.