விமான நிலையத்தில் துப்பாக்கி தோட்டாக்களுடன் சிக்கிய வாலிபர் கைது

மும்பை, 

மும்பையில் இருந்து சவுதி அரேபியா தலைநகர் ரியாத்துக்கு நேற்று முன்தினம் விமானம் ஒன்று செல்ல இருந்தது. அந்த விமானத்தில் பயணம் செய்ய இருந்த பயணிகளின் உடைமைகளை பாதுகாப்பு படையினர் சோதனை நடத்தினர். அப்போது குஜராத்தை சேர்ந்த மவுவியா சேக் (வயது25) என்ற வாலிபரின் பையில் இருந்து 2 துப்பாக்கி தோட்டாக்கள் பறிமுதல் செய்யப்பட்டது. இதையடுத்து பாதுகாப்பு படையினர் வாலிபரை சாகர் போலீசில் ஒப்படைத்தனர். போலீசார் விமான நிலையத்தில் துப்பாக்கி தோட்டாவுடன் சிக்கிய வாலிபரை கைது செய்து விசாரணை நடத்தி வருகின்றனர்.