டெல்லியில் இலங்கை தூதரகம் முன் மாணவர்கள் திடீர் போராட்டம்

புதுடெல்லி,

இலங்கையில் மக்கள் விரோத அரசாங்கம் நடைபெறுவதாக கூறி கண்டனம் தெரிவித்து டெல்லியில் இலங்கை தூதரகம் முன் நேற்று மாலை திடீர் போராட்டம் நடைபெற்றது.

கே.ஒய்.எஸ். மாணவர் அமைப்பு சார்பில் நடைபெற்ற இந்த போராட்டத்தில் சுமார் 30 பேர் கலந்து கொண்டு, இலங்கை அரசுக்கு எதிரான வாசகங்கள் கொண்ட அட்டைகளை கைகளில் ஏந்தி கோஷமிட்டனர். பின்னர் போலீசார் அவர்களை கைது செய்து வேனில் ஏற்றிச் சென்றனர். இந்த போராட்டத்தால் இலங்கை தூதரகம் அமைந்துள்ள சாணக்கியபுரி, கவுடில்ய மார்க் பகுதியில் சிறிது நேரம் பரபரப்பு ஏற்பட்டது.