ஜம்மு காஷ்மீரில் நிலைமை தற்போது சிறப்பாக உள்ளது : மாணவர்கள் அச்சமின்றி பள்ளிக்கு செல்கின்றனர் - டிஜிபி தில்பாக் சிங்

ஸ்ரீநகர், 

ஜம்மு காஷ்மீரில் தற்போது நிலைமை சிறப்பாக உள்ளது என மாநில டிஜிபி தில்பாக் சிங் தெரிவித்துள்ளார் நிகழ்ச்சி ஒன்றில் கலந்து கொண்ட டிஜிபி தில்பாக் சிங்க் இன்று செய்தியாளர்களை சந்தித்தார்.அப்போது அவர் ஜம்மு காஷ்மீர் இன்றைய நிலைமை குறித்து கூறியதாவது ;

இன்று மாணவர்கள் அச்சமின்றி பள்ளிகளுக்குச் செல்கின்றனர், பணியாளர்கள் அச்சமின்றி அலுவலகங்களுக்குச் செல்கின்றனர், வணிகர்கள் அச்சமின்றி தொழில் செய்து வருகின்றனர். அன்றாட வாழ்க்கை சாதாரணமாக நடந்து வருகிறது.இன்று எந்த வகையிலும் தடையில்லை, அதற்காக மக்கள், பாதுகாப்புப் படையினர் என அனைவரும் ஒன்றிணைந்து செயற்பட்டு வருகின்றனர். எனவே, பாதுகாப்பு நிலைமை மிகவும் சிறப்பாக உள்ளது, அதை மேலும் மேம்படுத்துவோம், என்றார்.

ஊடுருவல் தடுப்பு வலுப்படுத்தப்பட்டுள்ளது, இதன் விளைவாக எல்லைகளில் ஊடுருவல் கிட்டத்தட்ட பூஜ்ஜியமாக உள்ளது.ட்ரோன்களைப் பயன்படுத்துவது ஒரு சவாலாக மாறிவிட்டது, ஆனால் நாங்கள் அதை நன்றாக எதிர்த்துப் போராடுகிறோம். பாகிஸ்தானின் சதிகள் இன்னும் நிற்கவில்லை.

.சுதந்திர தின விழாவை சுமுகமாக நடத்த எடுக்கப்பட்ட பாதுகாப்பு நடவடிக்கைகள் குறித்த கேள்விக்கு, அனைத்து பாதுகாப்பு ஏற்பாடுகளும் செய்யப்பட்டுள்ளதாக சிங் கூறினார்.பாதுகாப்பை கடுமையாக்க தேவையான அனைத்து நடவடிக்கைகளும் எடுக்கப்பட்டுள்ளன, என்று  சிங் கூறினார்.