விவசாயி வீட்டில் ரூ.6 லட்சம் தங்க நகைகள் திருட்டு

உப்பள்ளி-

தார்வார் மாவட்டம் உப்பள்ளி தாலுகா கெபசூர் அருகே உள்ள மைதூரா பிளாட் பகுதியை சேர்ந்தவர் பசவராஜ் அமாத்தனவர். விவசாயி. இவர் குடும்பத்துடன் தனது வீட்டை பூட்டிவிட்டு உப்பள்ளி டவுனில் உள்ள உறவினர் வீட்டுக்கு சென்றார். இதனை அறிந்த மர்மநபர்கள் வீட்டின் பூட்டை உடைத்து உள்ளே புகுந்து தங்க நகை மற்றும் வெள்ளி பொருட்களை திருடி சென்றனர். இந்தநிலையில் பசவராஜ் தனது வீட்டுக்கு திரும்பி வந்தார். அப்போது வீட்டின் பூட்டு உடைக்கப்பட்டு கதவு திறந்து கிடப்பதை பார்த்து அதிர்ச்சி அடைந்த அவர் உள்ளே சென்று பார்த்தார்.

அப்போது பீரோவில் அதில் இருந்த ரூ.6 மதிப்பிலான தங்க நகைகள் மற்றும் 285 கிராம் வெள்ளி பொருட்கள் மாயமாகி இருந்தது. இதனால் யாரோ மர்மநபர்கள் வீட்டின் பூட்டை உள்ளே புகுந்து நகைகளை திருடி சென்றது தெரியவந்தது. இதுகுறித்து பசவராஜ், உப்பள்ளி புறநகர் போலீசில் புகார் அளித்தார். அதன்பேரில் போலீசார் வழக்குப்பதிவு செய்து மர்மநபர்களை வலைவீசி தேடி வருகிறார்கள்.