லஷ்கர்-இ-தொய்பா பயங்கரவாத அமைப்பிற்கு ஆட்சேர்ப்பில் ஈடுபட்ட நபர் கைது!

புனே,

புனேவை சேர்ந்த ஒருவரை மராட்டிய பயங்கரவாத எதிர்ப்புப் படை (ஏடிஎஸ்) இன்று கைது செய்தது.

புனேவில் வசிக்கும் ஜுனைத் என அடையாளம் காணப்பட்ட அந்த சந்தேக நபர், லஷ்கர்-இ-தொய்பாவின் அமைப்பிற்கு பயங்கரவாதிகளை ஆட்சேர்ப்பு செய்வதில் ஈடுபட்டு வருவதாக கிடைத்த தகவலின் பேரில் பயங்கரவாத எதிர்ப்புப் படை அதிகாரிகள் அவரை பின்தொடர்ந்தனர்.

அந்த சந்தேகப்படும் நபர், சமூக ஊடகங்கள் மூலம் லஷ்கர்-இ-தொய்பாவின் பயங்கரவாத அமைப்புடன் தொடர்பு கொண்டிருந்தார் என்பது விசாரணையில் தெரியவந்தது. இதனை தொடர்ந்து, பயங்கரவாதிகளுக்கு நிதியுதவி வழங்கிய வழக்கில், அவர் பயங்கரவாத எதிர்ப்புப் படை அதிகாரிகளால் கைது செய்யப்பட்டார்.

இதனையடுத்து இன்று அவர் கோர்ட்டில் ஆஜர்படுத்தப்படுவார் என தெரிவிக்கப்பட்டது.