மராட்டியத்தில் ஒருநாள் கொரோனா பாதிப்பு 4 ஆயிரத்தை தாண்டியது

மும்பை,

நாடு முழுவதும் கடந்த சில நாட்களாக கொரோனா பரவல் அதிகரித்து வருகிறது. அந்த வகையில் மராட்டியத்திலும் தொற்று பாதிப்பு கிடு கிடுவென உயரத்தொடங்கியுள்ளது. அம்மாநிலத்தில் கடந்த 24 மணி நேர கொரோனா பாதிப்பு 4,024- ஆக உயர்ந்துள்ளது. நேற்றை விட இது 36 சதவிகிதம் அதிகம் ஆகும்.

மராட்டிய மாநிலத்தில் இதுவரை கொரோனா பாதித்தவர்கள் எண்ணிக்கை 79 லட்சத்து 15 ஆயிரத்து 418- ஆக உயர்ந்துள்ளது. கொரோனா பாதிப்பு காரணமாக நேற்று 2 பேர் உயிரிழந்தனர். இதன் மூலம் இதுவரை உயிரிழந்தவர்கள் எண்ணிக்கை 1,47,875- ஆக உயர்ந்துள்ளது. பி.ஏ.5 வகை கொரோனா பாதிப்பு 4 பேருக்கு கண்டறியப்பட்டுள்ளதாகவும் மராட்டிய சுகாதாரத்துறை தெரிவித்துள்ளது.

தலைநகர் மும்பையில் மட்டும் 2,293- பேருக்கு கொரோனா தொற்று உறுதிசெய்யப்பட்டுள்ளது. கடந்த ஜனவரி 23 ஆம் தேதிக்குப் பிறகு மும்பையில் ஒருநாளில் ஏற்பட்ட அதிகபட்ச பாதிப்பு இதுவேயாகும். கொரோனா பாதிப்பில் இருந்து இன்று 3,028- பேர் குணம் அடைந்துள்ளனர்.