டெல்லியில் மீண்டும் வேகமெடுக்கும் கொரோனா... ஒரே நாளில் 1,375 பேருக்கு பாதிப்பு உறுதி!

புதுடெல்லி,

இந்தியாவின் முக்கிய நகரங்களில் கடந்த சில நாட்களாக கொரோனா பாதிப்பு படிப்படியாக அதிகரித்து வருகிறது. இதனால், மீண்டும் ஒரு சில நகரங்களில் முகக்கவசம் அணிவது கட்டாயமாக்கப்பட்டு உள்ளது. இந்த நிலையில், தலைநகர் டெல்லியில் கொரோனா பாதிப்பு நாளுக்குநாள் அதிகரித்து வருகிறது.

இன்று மட்டும் தொற்று பாதிப்பு எண்ணிக்கை 1,375 ஆக அதிகரித்து உள்ளது. அதாவது நேற்று 1,118 பேருக்கு பாதிப்பு உறுதி செய்யப்பட்ட நிலையில் இன்று அதிகரித்து உள்ளது. கொரோனாவால் இன்று உயிரிழப்பு இல்லை .தற்போது கொரோனாவுக்கு அங்கு 3 ஆயிரத்து 643 பேர் சிகிச்சை பெற்று வருகின்றனர்.கடந்த 24 மணி நேரத்தில் கொரோனாவில் இருந்து 909 பேர் குணமடைந்துள்ளனர் .