ஆயுதங்களால் தாக்கி அங்கன்வாடி பெண் ஊழியர் கொலை

சிக்பள்ளாப்பூர்:

சிக்பள்ளாப்பூர் மாவட்டம் சிந்தாமணி தாலுகா நாயனஹள்ளி கிராமத்தை சேர்ந்தவர் வெங்கடலட்சுமம்மா (வயது 50). இவரது கணவர் ஆஞ்சனப்பா. இந்த தம்பதிக்கு வீனா என்ற மகள் உள்ளார். வெங்கடலட்சும்மா அங்கன்வாடியில் ஊழியராக வேலை செய்தார். கடந்த சில ஆண்டுகளுக்கு முன்பு வெங்கடலட்சுமம்மாவை பிரிந்த ஆஞ்சனப்பா 2-வது திருமணம் செய்து கொண்டார். வீனா தந்தையுடன் வசித்தார். இதனால் வெங்கடலட்சுமம்மா மட்டும் தனியாக வசித்து வந்தார்.

இந்த நிலையில் நேற்று காலை வெங்கடலட்சுமம்மா வீட்டிற்குள் புகுந்த மர்மநபர்கள் ஆயுதங்களால் தாக்கி வெங்கடலட்சும்மமாவை கொலை செய்துவிட்டு தப்பி சென்றனர். இதுகுறித்து சிந்தாமணி போலீசார் வழக்குப்பதிவு செய்து வெங்கடலட்சுமம்மாவை கொலை செய்தது யார்? எதற்காக கொலை செய்தனர்? என்பது குறித்து விசாரித்து வருகிறார்கள்.