8 வயது சிறுமியை பாலியல் வன்கொடுமை செய்த 55 வயது நபர்

லக்னோ,

உத்தரபிரதேச மாநிலம் மகராஜ்கஞ்ச் மாவட்டம் சொனவ்லி கோட்வாலி பகுதியை சேர்ந்த 8 வயது சிறுமி நேற்று காலை அந்த கிராமத்தில் உள்ள மளிகை கடைக்கு சென்றுள்ளார்.

அப்போது, அந்த கிராமத்தை சேர்ந்த 55 வயதான ஷம்சுல் ஹக்யூ அந்த சிறுமியிடம் பணம் தருவதாக அழைத்துக்கொண்டு அந்த கிராமத்தில் மூடப்பட்டிருந்த இஸ்லாமிய மதப்பள்ளிக்கு அழைத்து சென்றுள்ளார்.

அங்கு வைத்து அந்த சிறுமியை ஷல்சுல் ஹக்யூ பாலியல் வன்கொடுமை செய்துள்ளார். பின்னர், அங்கிருந்து தப்பிச்சென்றுவிட்டார்.

இதையடுத்து, அழுதுகொண்டே வீட்டிற்கு வந்த அந்த சிறுமி தனக்கு நடந்த கொடூரம் குறித்து பெற்றோரிடம் கூறியுள்ளார். இதைக்கேட்டு அதிர்ச்சியடைந்த சிறுமியின் பெற்றோர் இது குறித்து போலீசில் புகார் அளித்தனர்.

இந்த புகாரையடுத்து வழக்குப்பதிவு செய்த போலீசார் 8 வயது சிறுமியை பாலியல் வன்கொடுமை செய்த 55 வயதான ஷல்சுல் ஹக்யூவை இன்று கைது செய்தனர்.