பீகாரில் ஒரே நாளில் 22 பேர் நீரில் மூழ்கி உயிரிழப்பு; குடும்பத்தினருக்கு தலா ரூ.4 லட்சம் நிவாரணம் அறிவிப்பு

பாட்னா,

பீகார் மாநில அரசு வெளியிட்டுள்ள அறிக்கையின்படி, அந்த மாநிலத்தின் பல்வேறு மாவட்டங்களைச் சேர்ந்த 22 பேர் கடந்த 24 மணி நேரத்தில் நீரில் மூழ்கி உயிரிழந்துள்ளதாக தெரிவிக்கப்பட்டுள்ளது. இதன்படி போஜ்பூரில் 5 பேர், ஜகனாபாத்தில் 4 பேர், ரோஹ்டாஸ் மற்றும் பாட்னாவில் தலா 3 பேர், தர்பங்கா மற்றும் நவாடாவில் தலா 2 பேர், மாதேபூர், கைமூர் மற்றும் அவுரங்காபாத்தில் தலா ஒருவர் என மொத்தம் 22 பேர் உயிரிழந்துள்ளனர்.

அந்த மாநிலத்தின் முதல்-மந்திரி நிதிஷ் குமார், நீரில் மூழ்கி உயிரிழந்தவர்களின் குடும்பத்தினருக்கு இரங்கல் தெரிவித்துள்ளார். அதோடு உயிரிழந்தவர்கள் ஒவ்வொருவரின் குடும்பத்தினருக்கும் நிவாரணமாக தலா ரூ.4 லட்சம் நிதி உதவி வழங்கப்படும் என அறிவித்துள்ளார்.