கேரளாவில் இன்று 347 பேருக்கு கொரோனா தொற்று உறுதி

திருவனந்தபுரம்,

கேரளாவில் இன்றைய கொரோனா பாதிப்பு விவரத்தை மாநில சுகாதாரத்துறை வெளியிட்டது.

அதன்படி, கேரளாவில் இன்று 347 பேருக்கு புதிதாக கொரோனா பாதிப்பு உறுதி செய்யப்பட்டுள்ளது. இதனால், மாநிலத்தில் கொரோனா பாதிக்கப்பட்டவர்களின் மொத்த எண்ணிக்கை 65 லட்சத்து 35 ஆயிரத்து 748 ஆக அதிகரித்துள்ளது.

கொரோனா பாதிப்பில் இருந்து இன்று 383 பேர் குணமடைந்துள்ளனர். வைரஸ் பாதிக்கப்பட்டவர்களில் 2 ஆயிரத்து 293 பேர் சிகிச்சை பெற்று வருகின்றனர்.

ஆனாலும், வைரஸ் தாக்குதலுக்கு இன்று யாரும் உயிரிழக்கவில்லை. ஆனால், ஏற்கனவே உயிரிழந்து பட்டியலில் சேர்க்கப்படாத 21 உயிரிழப்புகள் இன்று மறுகணக்கீட்டின் மூலம் மாநில கணக்குப்பட்டியலில் சேர்க்கப்பட்டுள்ளது. இதனால், கேரளாவில் கொரோனாவால் உயிரிழந்தோர் மொத்த எண்ணிக்கை 68 ஆயிரத்து 360 ஆக அதிகரித்துள்ளது.