ஸ்ரீகாளஹஸ்தி சிவன் கோவில் வருடாந்திர மகாசிவராத்திரி பிரம்மோற்சவ விழா இன்று தொடக்கம்..!

ஸ்ரீகாளஹஸ்தி,

இந்தியாவில் வாயு கடவுளுக்கு கட்டப்பட்ட ஒரே கோயிலான காளஹஸ்தி கோயில் சோழர்களின் புகழ்பெற்ற மன்னர்களுள் ஒருவரும், தஞ்சை பெரிய கோவிலை கட்டிய இராஜராஜ சோழனின் மகனுமான இராஜேந்திர சோழன் கட்டிய கோவிலாகும். இந்த கோவிலில் ஒவ்வொரு ஆண்டும் சிவராத்திரி பிரம்மோற்சவ விழா வெகு விமரிசையாக கொண்டாடப்படும்.

அந்த வகையில் இந்த ஆண்டு ஸ்ரீகாளஹஸ்தி சிவன் கோவிலில் வருடாந்திர மகா சிவராத்திரி பிரம்மோற்சவ விழா (பிப்ரவரி 24-ந்தேதி) இன்று கொடியேற்றத்துடன் தொடங்குகிறது. இன்று தொடங்கி அடுத்த மாதம் (மார்ச்) 8-ந்தேதி வரை 13 நாட்கள் நடக்கிறது.

பிரம்மோற்சவ விழாவின் சிகர நிகழ்ச்சியான மகாசிவராத்திரி விழா, மார்ச் 1-ந் தேதி நடைபெறுகிறது. மார்ச் 4-ந் தேதி அதிகாலை 3 மணியளவில் ஸ்ரீகாளஹஸ்தீஸ்வரர்-ஞானப்பிரசுனாம்பிகை தாயார் திருக் கல்யாண உற்சவம் நடைபெறுகிறது. மார்ச் 9-ந்தேதி கோவில் வளாகத்தில் உள்ள அலங்கார மண்டபத்தில் மூலவர்ளுக்கு சாந்தி அபிஷேகம் நடக்கிறது

மகாசிவராத்திரி பிரம்மோற்சவ விழா நாட்களில் காலை முதல் இரவு வரை தொடர்ந்து பக்தர்களுக்கு அன்னதானம், குடிநீர் வழங்கப்படும். வருகிற 1-ந்தேதி மகா சிவராத்திரியையொட்டி ஆயிரக்கணக்கான பக்தர்கள் சாமி தரிசனம் செய்ய வருவார்கள் என்பதால் விரைவு தரிசனம் ஏற்பாடும் செய்யப்பட்டுள்ளது.

மேற்கண்ட தகவலை கோவில் நிர்வாக அதிகாரி பெத்தி.ராஜு தெரிவித்துள்ளார்.