டெல்லியில் புதிதாக 55 பேருக்கு கொரோனா பாதிப்பு; மேலும் 73 பேர் டிஸ்சார்ஜ்
டெல்லியில் கொரோனா பாதிப்புடன் தற்போது 386 பேர் சிகிச்சை பெற்று வருவதாக தெரிவிக்கப்பட்டுள்ளது.
புதுடெல்லி,
டெல்லி சுகாதாரத்துறை சார்பில் இன்று வெளியிடப்பட்டுள்ள அறிக்கையின்படி, அங்கு இன்று மேலும் 55 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதனால் மொத்த கொரோனா பாதிப்பு எண்ணிக்கை 14,41,569 ஆக அதிகரித்துள்ளது.
கடந்த 24 மணி நேரத்தில் டெல்லியில் கொரோனா பாதிப்பால் உயிரிழப்புகள் எதுவும் பதிவாகவில்லை. அங்கு இதுவரை கொரோனா பாதிப்பால் உயிரிழந்தவர்களின் மொத்த எண்ணிக்கை 25,100 ஆக உள்ளது. அதே சமயம் டெல்லியில் கடந்த 24 மணி நேரத்தில் 73 பேர் குணமடைந்துள்ளனர்.
இதனால் டெல்லியில் இதுவரை கொரோனா தொற்றிலிருந்து குணமடைந்தோரின் மொத்த எண்ணிக்கை 14,16,083 ஆக உயர்ந்துள்ளது. டெல்லியில் தற்போது 386 பேர் கொரோனாவிற்கு சிகிச்சை பெற்று வருவதாக டெல்லி சுகாதாரத்துறை தெரிவித்துள்ளது.