ராஜஸ்தான் உள்ளாட்சி தேர்தலில் பா.ஜனதா வெற்றி: மோடி தலைமை மீதான ஏழைகள் நம்பிக்கையே காரணம் ஜே.பி.நட்டா பெருமிதம்

புதுடெல்லி, 

காங்கிரஸ் கட்சி ஆளும் ராஜஸ்தான் மாநிலத்தில் நடந்த உள்ளாட்சி தேர்தலில் பா.ஜனதா அதிக இடங்களை கைப்பற்றி உள்ளது.

இதற்கு பா.ஜனதா தேசிய தலைவர் ஜே.பி.நட்டா மகிழ்ச்சி தெரிவித்துள்ளார். அவர் கூறியிருப்பதாவது:-

பிரதமர் மோடியின் தலைமை மீது ஏழைகள், விவசாயிகள், தொழிலாளர்கள் ஆகியோர் வைத்துள்ள நம்பிக்கையை இந்த வெற்றி உணர்த்துகிறது. இதற்காக ராஜஸ்தானை சேர்ந்த பெண்கள், விவசாயிகள் மற்றும் கிராமப்புற வாக்காளர்களுக்கு நன்றி தெரிவித்துக் கொள்கிறேன்.

இவ்வாறு அவர் கூறியுள்ளார்.