இந்தியாவில் கடந்த 24 மணி நேரத்தில் 79,476-பேருக்கு கொரோனா தொற்று

புதுடெல்லி,

இந்தியாவில் கடந்த 24 மணி நேரத்தில் 79 ஆயிரத்து 476 பேருக்கு கொரோனா தொற்று உறுதி செய்யப்பட்டுள்ளது. மத்திய சுகாதாரத்துறை அமைச்சகம் இந்த தகவலை வெளியிட்டுள்ளது. கடந்த 24 மணி நேரத்தில் 1,069-பேர் இந்தியாவில் உயிரிழந்ததாகவும், இந்தியாவில் இதுவரை கொரோனா பாதிப்பால் உயிரிழந்தவர்கள் எண்ணிக்கை 1 லட்சத்து 842 ஆக உயர்ந்துள்ளது எனவும் தெரிவிக்கப்பட்டுள்ளது.  

கொரோனா தொற்று பாதிப்புடன்  9 லட்சத்து 44 ஆயிரத்து 996 பேர் சிகிச்சை பெற்று வருகின்றனர். இந்தியாவில் இதுவரை கொரோனா உறுதி செய்யப்பட்டவர்கள் எண்ணிக்கை 64 லட்சத்து 73 ஆயிரமாக உள்ளது. அதேபோல் தொற்றில் இருந்து குணம் அடைந்தவர்கள் எண்ணிக்கை 54 லட்சத்து 27 ஆயிரமாக உள்ளது.