காஷ்மீரில் 5 மணிநேர துப்பாக்கி சண்டையில் பயங்கரவாதி சுட்டு கொலை

ஜம்மு,

ஜம்மு மற்றும் காஷ்மீரின் பாராமுல்லா மாவட்டத்தில் யெடிபோரா பட்டான் பகுதியில் பயங்கரவாதிகள் பதுங்கி உள்ளனர் என ரகசிய தகவல் கிடைத்தது.

இதனை தொடர்ந்து போலீசார் மற்றும் பாதுகாப்பு படையை சேர்ந்த வீரர்கள் அந்த பகுதிக்கு சென்று அங்கிருந்த மக்களை பாதுகாப்புடன் வெளியேற்றினர்.  இதன்பின் அந்த பகுதியை தங்களது கட்டுக்குள் கொண்டு வந்து பயங்கரவாதிகளை தேடும் பணியில் ஈடுபட்டனர்.

இதில், பதுங்கி இருந்த பயங்கரவாதிகளுக்கும், பாதுகாப்பு படையினருக்கும் இடையே கடுமையான சண்டை நடந்தது.  ஏறக்குறைய 5 மணிநேரத்திற்கும் மேலாக நடந்த இந்த சண்டையில் ஒரு பயங்கரவாதியை பாதுகாப்பு படை வீரர்கள் சுட்டு கொன்றனர்.  படை வீரர்களில் ஒருவர் காயமடைந்து உள்ளார்.  அவர் சிகிச்சை பெற்று வருகிறார்.  அவரது உடல்நிலை சீராக உள்ளது.  தொடர்ந்து தேடுதல் வேட்டை நடந்து வருகிறது.