இந்தியாவில் கடந்த 24 மணி நேரத்தில் கொரோனா பாதிப்பால் 1,129 பேர் உயிரிழப்பு

புதுடெல்லி,

இந்தியாவில் கொரோனா பாதித்தவர்கள் எண்ணிக்கையும் கொரோனாவால் உயிரிழப்பவர்களின் எண்ணிக்கையும் நாளுக்குள் நாள் புதிய உச்சத்தை தொட்டே வருகிறது.

இந்நிலையில் இந்தியாவில் கடந்த 24 மணி நேரத்தில் இதுவரை இல்லாத புதிய உச்சமாக மேலும் 1,129 பேர் கொரோனா தொற்றால் உயிரிழந்துள்ளதாக மத்திய சுகாதார அமைச்சகம் தெரிவித்துள்ளது. இதன் மூலம்  கொரோனாவால் உயிரிழந்தோர் எண்ணிக்கை 28,732 லிருந்து 29,861 ஆக உயர்ந்துள்ளது.

மேலும் கடந்த 24 மணி நேரத்தில் புதிய உச்ச பாதிப்பாக மேலும் 45,720 பேருக்கு தொற்று உறுதி செய்யப்பட்டுள்ளது. இதன் மூலம்  கொரோனாவால் பாதிக்கப்பட்டோரின் எண்ணிக்கை 11,92,915 லிருந்து 12,38,635 ஆக உயர்ந்துள்ளது.

இந்தியாவில் கொரோனாவிலிருந்து குணமடைந்தோர் எண்ணிக்கை 7,53,050 லிருந்து 7,82,606 ஆக உயர்ந்துள்ளது. மேலும் 4,26,167 பேர் மருத்துவமனைகளில் சிகிச்சை பெற்று வருகின்றனர்.