பிரதமர் நரேந்திர மோடி தலைமையில், நாளை மத்திய அமைச்சரவை கூட்டம்

புதுடெல்லி

பிரதமர் மோடியின் அதிகாரபூர்வ இல்லம் டெல்லி 7 லோக் கல்யாண் மார்கில்  நாளை மத்திய அமைச்சரவை கூட்டம் நடைபெறுகிறது. இந்த அமைச்சரவைக் கூட்டத்தில், மத்திய பாதுகாப்புத்துறை அமைச்சர் ராஜ்நாத் சிங் நீங்கலாக மற்ற கேபினட் அமைச்சர்கள் பங்கேற்கின்றனர்.

நாட்டின் பொருளாதார வளர்ச்சி, சீன அதிபரின் வருகை, பல்வேறு துறைகளில் மேற்கொள்ளப்படும் மேம்பாட்டு பணிகள் குறித்து, அமைச்சரவைக் கூட்டத்தில் விவாதிக்கப்படலாம் எனத் தகவல் வெளியாகியுள்ளது.