வாலிபரை கீழே தள்ளி கொலை செய்த 2 பேர் கைது

மும்பை, 

மும்பை மான்கூர்டு பகுதியில் கடந்த 15-ந் தேதி பாலாஜி நாயுடு (வயது22) என்பவருடன் சல்மான் சேக் (22), கணேஷ் ரெட்டி ஆகிய 2 பேர் சேர்ந்து சிறு பிரச்சினை காரணமாக வாக்குவாதம் செய்தனர். இதில் ஆத்திரமடைந்த 2 பேரும் சேர்ந்து பாலாஜி நாயுடுவை கீழே தள்ளி விட்டனர். கீழே விழுந்த பாலாஜி நாயுடுவின் தலை அங்கு கிடந்த பாறாங்கல் மீது மோதியது. இதனால் அவர் மண்டை உடைந்து சம்பவ இடத்திலேயே ரத்த வெள்ளத்தில் பலியானார். 

 உயிரிழந்ததை அறிந்த 2 பேரும் சம்பவ இடத்தில் இருந்து தப்பி ஓடி விட்டனர். 

தகவல் அறிந்த போலீசார் கொலை வழக்கு பதிவு செய்து அவரை கொன்ற 2 பேரை தேடி வந்தனர். கண்காணிப்பு கேமரா மூலம் ஆய்வு செய்து நடத்திய விசாரணையில் அப்பகுதியில் நடமாடிய 2 பேரை மறுநாள் போலீசார் பிடித்து கைது செய்தனர். இதற்கான காரணம் குறித்து அவர்களிடம் விசாரணை நடத்தி வருகின்றனர்.