செந்துறை அருகே கண்மாயில் இறந்து கிடந்த புள்ளிமான்
செந்துறை அருகே கண்மாயில் புள்ளிமான் இறந்து கிடந்தது.
செந்துறை:
செந்துறை அருகே பூசாரிப்பட்டி மலையடிவாரத்தை ஒட்டி தாமரைக்கண்மாய் உள்ளது. இங்கு மான் உள்ளிட்ட வனவிலங்குகள் தண்ணீர் குடிக்க வருவது வழக்கம். இந்தநிலையில் தாமரைக்கண்மாயில், புள்ளிமான் ஒன்று நேற்று இறந்து கிடந்தது. இதைக்கண்ட அப்பகுதி மக்கள், உடனடியாக நத்தம் வனத்துறையினருக்கு தகவல் தெரிவித்தனர்.
செந்துறை அருகே பூசாரிப்பட்டி மலையடிவாரத்தை ஒட்டி தாமரைக்கண்மாய் உள்ளது. இங்கு மான் உள்ளிட்ட வனவிலங்குகள் தண்ணீர் குடிக்க வருவது வழக்கம். இந்தநிலையில் தாமரைக்கண்மாயில், புள்ளிமான் ஒன்று நேற்று இறந்து கிடந்தது. இதைக்கண்ட அப்பகுதி மக்கள், உடனடியாக நத்தம் வனத்துறையினருக்கு தகவல் தெரிவித்தனர்.
அதன்பேரில் சம்பவ இடத்துக்கு வனத்துறையினர் விரைந்து வந்தனர். பின்னர் புள்ளிமானின் உடலை கைப்பற்றி விசாரணை நடத்தினர். அதில், இறந்து கிடந்தது 2 வயதுடைய ஆண் மான் என்பது தெரியவந்தது.
அதையடுத்து கால்நடை டாக்டர் வரவழைக்கப்பட்டு, மானின் உடல் பிரேத பரிசோதனை செய்யப்பட்டு அங்கேயே புதைக்கப்பட்டது. இறந்த மானின் உடலில் ரத்த காயங்கள் இருந்ததால் நாய்கள் கடித்து இறந்ததா? அல்லது வேறு ஏதேனும் காரணமா? என்பது குறித்து வனத்துறையினர் விசாரித்து வருகின்றனர்.