தேன்கனிக்கோட்டை தாலுகா அலுவலகத்தில் கிராம நிர்வாக அலுவலர்களுக்கு புத்தாக்க பயிற்சி

தேன்கனிக்கோட்டை:

தேன்கனிக்கோட்டை தாலுகாவில் பணியாற்றும் கிராம நிர்வாக அலுவலர்களுக்கு புத்தாக்க பயிற்சி தாலுகா அலுவலகத்தில் தொடங்கியது. இந்த பயிற்சியை தாசில்தார் குருநாதன் மற்றும் துணை தாசில்தார் வெற்றிவேல் ஆகியோர் தொடங்கி வைத்தனர். நில அளவை பிரிவு வட்ட துணை ஆய்வாளர் சரவணன், மறு நில அளவை திட்ட பணி ஆய்வாளர் ராமச்சந்திரன் ஆகியோர் கிராம நிர்வாக அலுவலர்களுக்கு பயிற்சி அளித்தனர். இந்த பயிற்சியில் நில அளவை வட்ட துணை ஆய்வாளர் ஆறுமுகம், சார் ஆய்வாளர் முகமது முஜிப் உள்பட பலர் கலந்து கொண்டனர். வருகிற 19-ந் தேதி வரை இந்த புத்தாக்க பயிற்சி நடக்கிறது.