ரூ.5 லட்சத்துக்கு பட்டுக்கூடுகள் விற்பனை

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து பட்டுக்கூடுகள் விற்பனைக்கு கொண்டு வரப்படுகிறது. இந்த அங்காடிக்கு நேற்று 1086 கிலோ பட்டுக்கூடுகள் வந்தன. ஒரு கிலோ பட்டுக்கூடுகள் அதிகபட்சமாக ரூ.650-க்கும், குறைந்தபட்சமாக ரூ.315-க்கும், சராசரியாக ரூ.469-க்கும் விலைகளில் பட்டுக்கூடுகள் விற்பனை செய்யப்பட்டது. நேற்று ரூ.5 லட்சத்து 10 ஆயிரத்து 427 மதிப்பில் பட்டுக்கூடுகள் விற்பனையானது.