பெண்ணை தாக்கிய கணவர் கைது
திருஉத்தரகோசமங்கை அருகே பெண்ணை தாக்கிய கணவர் கைது செய்யப்பட்டார்.
ராமநாதபுரம்,
திருஉத்தரகோசமங்கை அருகே உள்ள ஆனைகுடியை சேர்ந்தவர் ராஜபாண்டி (வயது 39).இவரது மனைவி அனிதா (21). இவர்களுக்கு ஒரு பெண் குழந்தை உள்ளது. இந்நிலையில் கணவன்-மனைவி இடையே ஏற்பட்ட தகராறில் அனிதா கணவனிடம் கோபித்து கொண்டு பெரியமாயாகுளத்தில் உள்ள தாயார் வீட்டிற்கு சென்றுவிட்டாராம். இதன்பின்னர் நேற்று முன்தினம் ஆனைகுடி வந்து கணவனிடம் தனது குழந்தையை கேட்டுள்ளார். அவர் தரமறுத்ததால் அவர்களுக்குள் தகராறு ஏற்பட்டுள்ளது. இதில் ஆத்திரத்தில் ராஜபாண்டி மனைவியை கையால் தாக்கினாராம். இதுகுறித்து அனிதா அளித்த புகாரின் அடிப்படையில் திருஉத்தரகோசமங்கை போலீசார் வழக்குபதிவு செய்து ராஜபாண்டியை கைது செய்தனர்.