கொடிவேரி அணை பகுதியில் ஆற்றில் மூழ்கி கல்லூரி மாணவர் பலி்; உறவினர்களுடன் சுற்றுலா வந்தபோது பரிதாபம்

டி.என்.பாளையம்

கொடிவேரி அணை பகுதிக்கு சுற்றுலா வந்தபோது ஆற்றில் மூழ்கி கல்லூரி மாணவர் பலி ஆனார்.

கோவை மாவட்டம் உக்கடம் பகுதியை சேர்ந்தவர் ரபிக். இவருடைய மகன் தவுபிக் (வயது 21). கல்லூரி மாணவர்.  இவர் நேற்று தனது உறவினர்களுடன் ஈரோடு மாவட்டம் கொடிவேரி அணைக்கு சுற்றுலா வந்து உள்ளார். 

கொடிவேரி அணையை சுற்றி பார்த்த பிறகு அங்குள்ள ஆற்று பாலத்துக்கு கீழ் இறங்கி தவுபிக் குளித்து ெகாண்டிருந்தார். அப்போது ஆழமான பகுதிக்கு அவர் சென்று உள்ளார். அவருக்கு நீச்சல் தெரியாததால் தண்ணீரில் தத்தளித்தார். இதனால் அவர் நீரில் மூழ்கினார். இதை கண்டதும் அங்கிருந்தவர்கள் விரைந்து சென்று தவுபிக்கை மீட்டு சத்தியமங்கலம் அரசு ஆஸ்பத்திரிக்கு கொண்டு சென்றனர். அங்கு பரிசோதனை செய்த டாக்டர்கள் ஏற்கனவே தவுபிக் இறந்துவிட்டதாக தெரிவித்தனர். இதுகுறித்து பங்களாப்புதூர் போலீசார் வழக்குப்பதிவு செய்து விசாரணை நடத்தி வருகிறார்கள்.