ரெயிலில் கடத்தி வந்த 1 கிலோ கஞ்சா பறிமுதல்

ஜோலார்பேட்டை

ஜோலார்பேட்டை அருகே ரெயிலில் கடத்தி வந்த 1 கிலோ கஞ்சா பறிமுதல் செய்யப்பட்டது.

சேலம் உட்கோட்ட ெரயில்வே சிறப்பு படை போலீசார் காட்பாடி ரெயில் நிலையம் முதல் சேலம் வரை செல்லும் ஓடும் ரெயிலில் கஞ்சா உள்ளிட்ட போதை வஸ்து பொருட்கள் கடத்தப்படுவது குறித்து தீவிர சோதனையில் ஈடுபட்டு வருகின்றனர்.  

காட்பாடி முதல் சேலம் வரை செல்லும் ரெயில்களில் ரெயில்வே சிறப்பு தனிப்படை போலீசார் தீவிர சோதனையில் ஈடுபட்டனர். 

 ஹவுராவில் இருந்து கர்நாடக மாநிலம் யஷ்வந்த்பூர் வரை செல்லும் எக்ஸ்பிரஸ் ரெயிலில் சோதனை மேற்கொண்டனர். 

நேற்று அதிகாலை 3.30 அளவில் வாணியம்பாடி ெரயில் நிலையத்திற்கும் ஜோலார்பேட்டை ெரயில் நிலையத்திற்கும் இடையே வந்து கொண்டிருந்த போது முன்பதிவு செய்யப்பட்ட டி1 பெட்டியில் பயணிகளின் உடைமைகளை வைக்கும் பகுதியில் கேட்பாரற்று கிடந்த பையை சோதனை செய்தனர். அதில் 1 கிலோ கஞ்சா இருப்பது தெரியவந்தது. 

இதனையடுத்து சேலம் ரெயில்வே சிறப்பு தனிப்படை போலீசார் பறிமுதல் செய்யப்பட்ட 1 கிலோ கஞ்சாவை ஜோலார்பேட்டை ரெயில்வே போலீஸ் நிலையத்தில் ஒப்படைத்தனர்.

ஜோலார்பேட்டை ரெயில்வே போலீஸ் சப்-இன்ஸ்பெக்டர் ஜெயக்குமார் மற்றும் போலீசார் வழக்குப்பதிவு செய்து  ரெயிலில் கஞ்சாவை கடத்திய மர்ம நபர்கள் குறித்து விசாரணை நடத்தி வருகின்றனர்.