பெயிண்டரை தாக்கிய 5 பேர் மீது வழக்கு

குளித்தலை மலையப்ப நகர் கிழக்குதெருவை சேர்ந்தவர் கோபி (வயது 37), பெயிண்டர். இவர் நாள்தோறும் காவிரி ஆற்றில் குளிப்பது வழக்கம். அதுபோல் சம்பவத்தன்று இவர் ஆற்றுக்கு செல்லும் போது மலையப்பநகர் பகுதியில் உள்ள மளிகை கடை ஒன்றின் அருகில் அதே பகுதியை சேர்ந்த ஜீவா (22), கார்த்தி (22), அரவிந்த் (19), கிருஷ்ணன் (19), விஷ்ணு (19) ஆகிய 5 பேரும் பாதையை மறித்து நின்று கொண்டு இருந்துள்ளனர். இதுகுறித்து கேட்ட கோபியை அவர்கள் அனைவரும் சேர்ந்து திட்டி, தாக்கி, கொலை மிரட்டல் விடுத்துள்ளனர். இதில் காயமடைந்த கோபி குளித்தலை அரசு மருத்துவமனையில் அனுமதிக்கப்பட்டார். இந்த சம்பவம் குறித்து கோபி அளித்த புகாரின் பேரில் ஜீவா, கார்த்தி, அரவிந்த், கிருஷ்ணன், விஷ்ணு ஆகிய 5 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.