ரோலர் ஸ்கேட்டிங் போட்டியில் வெற்றிபெற்ற பழனி மாணவர்களுக்கு பாராட்டு

திண்டுக்கல்லில் 18-வது மாவட்ட ரோலர் ஸ்கேட்டிங் போட்டி நடைபெற்றது. இதில் 7 முதல் 20 வயது வரை பல்வேறு பிரிவுகளாக மாணவ-மாணவிகளுக்கு போட்டிகள் நடத்தப்பட்டது.

இந்த போட்டிகளில் பழனியை சேர்ந்த மாணவர்கள் கிர்த்தீஸ், யாழினி, தக்‌ஷயா, ஸ்ரீராம் ஆகியோர் முதலிடம் பிடித்து வெற்றி பெற்றனர். மேலும் கார்த்திகேயன், சிவசூர்யா, தியாஸ்ரீ, சூர்யா, ஜெய்சரவணன், மோனிஸ்ராஜ் ஆகியோரும் கலந்துகொண்டு பரிசுகள் பெற்றனர்.

இதையடுத்து போட்டிகளில் வெற்றிபெற்ற மாணவர்களுக்கு பழனி நகர வணிகர் சங்க பேரமைப்பு தலைவர் ஜே.பி.சரவணன் பரிசு வழங்கி பாராட்டினார்.