அய்யனாரப்பன் கோவிலில் திருக்கல்யாண உற்சவம்

பண்ருட்டி, 

பண்ருட்டி அடுத்த எம். ஏரிப்பாளையத்தில் பொற்கலை, பூரணி சமேத அய்யனாரப்பன் கோவில் உள்ளது. இந்த கோவிலில் நேற்று முன்தினம் திருக்கல்யாண உற்சவம் நடைபெற்றது. இதையொட்டி கோவிலில் காலை 8 மணிக்கு அய்யனார், மாரியம்மன், விநாயகர் ஆகிய சுவாமிகளுக்கு சிறப்பு அபிஷேகம் நடைபெற்றது.

பின்னர் 3 மணிக்கு கிராம மக்கள் பொங்கல் வைத்து படையல் செய்தனர். தொடர்ந்து இரவில் பொற்கலை பூரணி சமேத அய்யனாரப்பன் திருக்கல்யாண உற்சவம் நடைபெற்றது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். பின்னர் இரவில் சாமி வீதிஉலா நிகழ்ச்சி நடந்தது.