சாக்கடை நீர் தெருவுக்குள் வந்ததால் பொதுமக்கள் மறியல் முயற்சி

கரூர் மாவட்டம், சின்னதாராபுரம் ஊராட்சி நேரு நகர் பகுதியில் சாக்கடை நீர் தெருவுக்குள் வந்ததால் அந்த பகுதியை சேர்ந்த பொதுமக்கள் கரூர்- தாராபுரம் சாலையில் மறியலில் ஈடுபட முயற்சி செய்தனர். இது குறித்து தகவல் அறிந்த க.பரமத்தி ஊராட்சி ஒன்றிய ஆணையர் பரமேஸ்வரன், சின்னதாராபுரம் போலீஸ் சப்-இன்ஸ்பெக்டர் சரவணன் மற்றும் அதிகாரிகள் சம்பவ இடத்திற்கு சென்று பொதுமக்களிடம் பேச்சுவார்த்தை நடத்தினர். அப்போது 10 தினங்களுக்குள் இதனை சரி செய்து தரப்படும் என அதிகாரிகள் உறுதியளித்தனர். இதனால் பொதுமக்கள் அங்கிருந்து கலைந்து சென்றனர்.