சிக்கல் சிங்காரவேலர் கோவிலில் சிறப்பு வழிபாடு
சித்திரை மாத கிருத்திகையையொட்டி சிக்கல் சிங்காரவேலர் கோவிலில் சிறப்பு வழிபாடு நடந்தது. இதில் திரளான பக்தர்கள் கலந்து கொணடு சாமி தரிசனம் செயதனர்.
சிக்கல்:
சிக்கல் சிங்காரவேலர் கோவிலில் சித்திரை மாத கார்த்திகையை முன்னிட்டு சிறப்பு வழிபாடுநடந்தது. இதையொட்டி சிங்காரவேலவருக்கு, பால், தயிர், சந்தனம், விபூதி, பஞ்சாமிர்தம், பன்னீர், திரவிய பொருட்கள் உள்ளிட்டவைகளால் அபிஷேக ஆராதனை செய்யப்பட்டு மலர்களால் அலங்கரித்து தீபாராதனை காண்பிக்கப்பட்டது.
இதை தொடர்ந்து கார்த்திகை மண்டபத்தில் சிங்காரவேலர் சிறப்பு அலங்காரத்தில் வள்ளி, தெய்வானையுடன் பக்தர்களுக்கு அருள் பாலித்தார். இதில் திரளான பக்தர்கள் கலந்து கொண்டு சாமி தரிசனம் செய்தனர்.