வேன் மோதி முதியவர் பலி
கலவை அருகே வேன் மோதி முதியவர் பரிதாபமாக உயிரிழந்தார்.
கலவை
ராணிப்பேட்டை மாவட்டம் கலவையை அடுத்த நாகலேரி பகுதியைச் சேர்ந்தவர் மாரி (வயது 70). இவர் கலவை கூட்டு ரோட்டிலிருந்து வீட்டுக்கு நடந்து சென்று கொண்டிருந்தார்.
அப்போது கலவை சந்தைக்கு வந்த வேன் ஒன்று கனியன்தாங்கள் அருகே மாரி மீது மோதி தலைகீழாக கவிழ்ந்தது. இதில் படுகாயம் அடைந்த மாரி சம்பவ இடத்திலேயே பரிதாபமாக இறந்தார்.
இதுகுறித்து கலவை போலீசில் மாரியின் மகன் மாணிக்கம் புகார் அளித்தார். அதன்பேரில் சப்-இன்ஸ்பெக்டர் சரவணமூர்த்தி மற்றும் போலீசார் சம்பவ இடத்துக்கு சென்று உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
மேலும் வழக்குப்பதிவு செய்து வேன் டிரைவர் அருண்குமாரை கைது செய்து விசாரணை நடத்தி வருகின்றனர்.