டெம்போ மோதி பேக்கரி கடை ஊழியர் பலி

பத்மநாபபுரம்:

அழகியமண்டபம் அருகே

டெம்போ மோதி பேக்கரி கடை ஊழியர் பலியானார்.

பள்ளியாடி அண்ணாநகர் பகுதியை சேர்ந்தவர் வினோத் (வயது 40), திருமணம் ஆகவில்லை. இவர் அழகியமண்டபம் பகுதியில் உள்ள ஒரு பேக்கரியில் ஊழியராக வேலை பார்த்து வந்தார். நேற்று முன்தினம் இரவு வினோத் வேலை முடிந்து வீட்டிற்கு செல்வதற்காக தனது மோட்டார் சைக்கிளில் அழகியமண்டபத்தில் இருந்து முளகுமூடு நோக்கி சென்று கொண்டிருந்தார். அழகியமண்டபம் அருகே உள்ள பெட்ரோல் நிலையம் பகுதியில் சென்றபோது எதிரே வந்த டெம்போ, வினோத்தின் மோட்டார் சைக்கிள் மீது மோதியது. இதில் தூக்கி வீசப்பட்டு படுகாயமடைந்த அவரை அக்கம் பக்கத்தினர் மீட்டு சிகிச்சைக்காக ஆசாரிபள்ளம் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்கள், வினோத் ஏற்கனவே இறந்து விட்டதாக தெரிவித்தனர். இந்த விபத்து குறித்து தக்கலை போலீசார் வழக்குப்பதிவு செய்து விசாரணை நடத்தி வருகிறார்கள்.

---