சாராயம் விற்ற பெண் உள்பட 2 பேர் கைது
கீழ்வேளூர் அருகே சாராயம் விற்ற பெண் உள்பட 2 பேரை போலீசார் கைது செய்தனர்.
சிக்கல்:
கீழ்வேளூர் -மூங்கில்குடி சாலையில் கீழ்வேளூர் போலீசார் ரோந்து பணியில் ஈடுபட்டனர்.அப்போது கருணாவெளி சுடுகாடு பகுதியில் சந்தேகத்திற்குரிய வகையில் நின்ற ஒருவரை பிடித்து விசாரணை நடத்தினர். இதில் அவர், கீழ்வேளூர், அருகே வேலூர் பகுதியை சேர்ந்த கோவிந்தராஜ் மகன் தினேஷ் (வயது 28) என்பதும், அந்த பகுதியில் அவர் சாராயம் விற்றதும் தெரியவந்தது.இதுகுறித்து போலீசார் வழக்குப்பதிவு செய்து தினேசை கைது செய்தனர். மேலும் அவரிடம் இருந்து 110 லிட்டர் சாராயத்தை பறிமுதல் செய்தனர்.இதேபோல ஒர்குடி கீழத்தெரு பகுதியில் சாராயம் விற்ற அதே பகுதியை சேர்ந்த கார்த்திகேயன் மனைவி கண்ணம்மா (29) என்பவரை போலீசார் கைது செய்து அவரிடம் இருந்து 10 லிட்டர் சாராயத்தை பறிமுதல் செய்தனர்.