கருங்கல் அருகே மோட்டார் சைக்கிளில் இருந்து தவறி விழுந்த விவசாயி சாவு

கருங்கல், 

கருங்கல் அருகே உள்ள ஆலஞ்சி பொத்தியான்விளையைச் சேர்ந்தவர் ஜாண்ரோஸ் (வயது 73), விவசாயி. சம்பவத்தன்று இவர், மோட்டார் சைக்கிளில் ஆலஞ்சி சந்திப்பு பகுதியில் சென்றபோது திடீரென நிலைதடுமாறி கீழே விழுந்தார். இதில் தலையில் பலத்த காயமடைந்த அவரை அக்கம் பக்கத்தினர் மீட்டு சிகிச்சைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். அங்கு தீவிர சிகிச்சை அளித்தும் பலனின்றி ஜாண்ரோஸ் பரிதாபமாக இறந்தார். இதுகுறித்த புகாரின் பேரில் கருங்கல் போலீசார் வழக்குப்பதிவு செய்து விசாரணை நடத்தி வருகிறார்கள்.