சூளகிரி அருகே 4 மாடுகள் திருட்டு

சூளகிரி:

சூளகிரி அருகே பிள்ளை கொத்தூர் கிராமத்தை சேர்ந்தவர்கள் சீனிவாசன், வெங்கடேசன். விவசாயிகள். அண்ணன்- தம்பிகளான இவர்கள் மாடுகளை கொட்டகையில் கட்டி வைத்திருந்தனர். இதில் 4 பசுமாடுகளை, 2 மர்ம நபர்கள் திருடி சென்றனர். இதுகுறித்து அவர்கள் சூளகிரி போலீஸ் நிலையத்தில் புகார் செய்தனர். இந்த சம்பவம் தொடர்பாக, போலீசார் வழக்குப்பதிவு செய்து அங்குள்ள கண்காணிப்பு கேமராவின் பதிவுகளை ஆய்வு செய்தனர். அப்போது மர்ம நபர்கள் 2 பேர் மாடுகளை திருடி சென்றது தெரிந்தது. அவர்களை போலீசார் வலைவீசி தேடி வருகின்றனர்.