தர்மபுரியில் திருநங்கை வீட்டில் நகை திருட்டு

தர்மபுரி:

தர்மபுரி குமாரசாமிபேட்டை தெற்கு ரெயில்வே லைன் பகுதியை சேர்ந்தவர் சிவரஞ்சனி (வயது 42). திருநங்கையான இவர் வீட்டில் இருந்து வெளியே சென்றுள்ளார். நள்ளிரவில் இவரது வீட்டுக்குள் புகுந்த மர்ம நபர்கள் பீரோவில் வைக்கப்பட்டிருந்த 2 பவுன் நகையை திருடி சென்றனர். இதனால் அதிர்ச்சி அடைந்த சிவரஞ்சனி இதுபற்றி தர்மபுரி டவுன் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.