பரமத்திவேலூரில் ரூ.1½ லட்சத்துக்கு தேங்காய் ஏலம்

பரமத்திவேலூர்:

பரமத்திவேலூர் ஒழுங்குமுறை விற்பனை கூடத்தில் ஒவ்வொரு வாரமும் செவ்வாய்க்கிழமைகளில் தேங்காய் மறைமுகமாக ஏலம் விடப்பட்டு வருகிறது. கடந்த வாரம் நடந்த ஏலத்தில் 4 ஆயிரத்து 380 கிலோ தேங்காய்களை விவசாயிகள் விற்பனைக்காக கொண்டு வந்தனர். இதில் அதிகபட்சமாக கிலோ ஒன்று ரூ.30.10-க்கும், குறைந்தபட்சமாக ரூ.22-க்கும், சராசரியாக ரூ.29-க்கும் ஏலம் போனது. மொத்தம் ரூ.1 லட்சத்து 27ஆயிரத்து 126-க்கு வர்த்தகம் நடைபெற்றது.

நேற்று நடைபெற்ற ‌ஏலத்துக்கு 5 ஆயிரத்து 644 கிலோ தேங்காய்களை விவசாயிகள் கொண்டு வந்தனர். இதில் அதிகபட்சமாக கிலோ ‌ஒன்று ரூ.28.30-க்கும், குறைந்தபட்சமாக ரூ.18-க்கும், சராசரியாக ரூ.‌27-க்கும் ஏலம் போனது. மொத்தம் ரூ.1 லட்சத்து 53 ஆயிரத்து 532-க்கு வர்த்தகம் நடைபெற்றது. கடந்த வாரத்தை விட இந்த வாரம் தேங்காய் விலை சரிவடைந்துள்ளதால் தென்னை விவசாயிகள் கவலை அடைந்துள்ளனர்.