அருப்புக்கோட்டை அருகே ஆட்டோ மீது லாரி மோதிய விபத்தில் பெண்கள் உள்பட 7 பேர் படுகாயம் அடைந்தனர்.

அருப்புக்கோட்டை, 

அருப்புக்கோட்டை அருகே ஆட்டோ மீது லாரி மோதிய விபத்தில் பெண்கள் உள்பட 7 பேர் படுகாயம் அடைந்தனர். 

மதுரை காமராஜர் சாலை பகுதியை சேர்ந்தவர் பாக்கியம் (வயது 48). சுமைதூக்கும் தொழிலாளி. இந்நிலையில் பெருநாழியில் உறவினர் இல்ல துக்க நிகழ்ச்சியில் பங்கேற்பதற்காக பாக்கியம் தனது குடும்பத்தினர் 7 பேருடன் ஆட்டோவில் சென்று கொண்டிருந்தார். 

அப்போது அருப்புக்கோட்டை புறவழிச்சாலை வழியாக ெரயில்வே மேம்பாலத்தின் மீது சென்று கொண்டிருக்கும்போது பின்னால் வந்த  லாரி எதிர்பாராதவிதமாக ஆட்டோ மீது மோதியதாக கூறப்படுகிறது. 

இந்த விபத்தில் ஆட்டோ தலைகீழாக கவிழ்ந்தது. இதில் ஆட்டோவில் பயணம் செய்த முத்துமீனாள் (48), கற்பகம் (52), அங்காளம்மாள் (50), காளியம்மாள் (60), முருகன் (40) ஆட்டோ டிரைவர் உள்பட 7 பேர் படுகாயம் அடைந்தனர். 

படுகாயம் அடைந்தவர்களை அங்கிருந்தவர்கள் மீட்டு 108 ஆம்புலன்ஸ் உதவியுடன் சிகிச்சைக்காக அருப்புக்கோட்டை அரசு மருத்துவமனைக்கு அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. மேலும் இந்த சம்பவம் குறித்து அருப்புக்கோட்டை டவுன் போலீசார் விசாரணை மேற்கொண்டு வருகின்றனர்.