கஞ்சா விற்ற வாலிபர் கைது
மயிலாடுதுறை கூறைநாடு மாமரத்துமேடை அய்யனார்கோவில் அருகே கஞ்சா விற்ற வாலிபர் கைது
மயிலாடுதுறை:
மயிலாடுதுறை கூறைநாடு மாமரத்துமேடை அய்யனார்கோவில் அருகே கஞ்சா விற்கப்படுவதாக போலீசாருக்கு ரகசிய தகவல் கிடைத்தது. தகவலின்பேரில், மயிலாடுதுறை போலீஸ் சப்-இன்ஸ்பெக்டர் மகாதேவன் மற்றும் போலீசார் சம்பவ இடத்திற்கு சென்று கண்காணித்தனர். அப்போது ஆராயத்தெருவில் கஞ்சா விற்ற வாலிபர் ஒருவரை போலீசார் சுற்றி வளைத்து பிடித்தனர். அவரிடம் நடத்தப்பட்ட விசாரணையில், அவர் மயிலாடுதுறை கூறைநாடு கொண்டாரெட்டித் தெருவை சேர்ந்த கணேசன் மகன் மணிகண்டன் (வயது 19) என்பது தெரியவந்தது. இதனையடுத்து போலீசார் வழக்குப்பதிவு செய்து அவரை கைது செய்தனர். பின்னர் அவரை கோர்ட்டில் ஆஜர்படுத்தி ஜெயிலில் அடைத்தனர்.