மோட்டார் சைக்கிளில் இருந்து தவறி விழுந்து மூதாட்டி சாவு

எஸ்.புதூர்,

புதுக்கோட்டை மாவட்டம், வலையபட்டி கிராமத்தைச் சேர்ந்தவர் வேலு. இவருடைய மனைவி அங்கம்மாள் (வயது 70). சம்பவத்தன்று அங்கம்மாள் தனது பேரனுடன் மோட்டார் சைக்கிளில் மாந்தகுடிபட்டியில் உறவினர் வீட்டு துக்க நிகழ்ச்சிக்கு சென்றார். பின்னர் அங்கிருந்து பேரனுடன் வீடு திரும்பி கொண்டிருந்தார்.

அப்போது கீரணிபட்டி அருகே அங்கம்மாள் மோட்டார் சைக்கிளில் இருந்து தவறி விழுந்துள்ளார். இதில் பலத்த காயமடைந்த அவரை மணப்பாறை மருத்துவமனையில் சேர்த்தனர். பின்னர் மேல்சிகிச்சைக்காக திருச்சி அரசு மருத்துவமனையில் அனுமதிக்கப்பட்டிருந்த நிலையில் அங்கு சிகிச்சை பலனின்றி உயிரிழந்தார். இதுகுறித்த புகாரின் பேரில் உலகம்பட்டி போலீஸ் இன்ஸ்பெக்டர் கலாராணி வழக்கு பதிவு செய்து விசாரணை நடத்தி வருகின்றார்.