100 இடங்களில் இன்று கொரோனா தடுப்பூசி முகாம்

திருச்சி மாநகர் மற்றும் புறநகர் மாவட்டத்தில் இன்று (திங்கட்கிழமை) காலை 9.30 மணி முதல் 100 இடங்களில் கோவிஷீல்டு, கோவாக்சின் கொரோனா தடுப்பூசிகள் செலுத்தப்படுகிறது. அதன்படி, திருச்சி மாநகரில் உள்ள அனைத்து அங்கன்வாடி மையங்கள், நகர்ப்புற ஆரம்ப சுகாதார நிலையங்கள் என மொத்தம் 36 இடங்களில் கொரோனா தடுப்பூசி செலுத்தப்படுகிறது.

புறநகர் பகுதிகளான திருவெறும்பூர், மணிகண்டம், அந்தநல்லூர், மணப்பாறை, வையம்பட்டி, மருங்காபுரி, லால்குடி, புள்ளம்பாடி, மண்ணச்சநல்லூர், துறையூர், உப்பிலியபுரம், முசிறி, தா.பேட்டை மற்றும் தொட்டியம் ஆகிய 14 வட்டாரங்களில் உள்ள 64 ஆரம்ப சுகாதார நிலையங்கள், துணை சுகாதார நிலையங்கள் ஆகியவற்றில் கொரோனா தடுப்பூசி செலுத்தப்படுவதாக மாவட்ட கலெக்டர் எஸ்.சிவராசு தெரிவித்துள்ளார்.