நெல்லை: மண் கடத்த முயன்ற 2 பேர் சிக்கினர்

நெல்லை:

சீவலப்பேரி போலீசார் சீவலப்பேரி - கலியாவூர் ரோட்டில் ரோந்து பணியில் ஈடுபட்டிருந்தனர். அப்போது அந்த பகுதியில் பொக்லைன் எந்திரம் மூலம் மண் அள்ளி கொண்டிருந்த 2 பேர் போலீசாரை கண்டதும் தப்பியோட முயன்றனர். உடனே போலீசார் 2 பேரையும் மடக்கி பிடித்து விசாரணை நடத்தினர். அதில் அவர்கள் சீவலப்பேரி பகுதியை சேர்ந்த மணி ராஜ் (வயது 37), 17 வயது சிறுவன் என்பதும், பொக்லைன் எந்திரம் மூலம் மண் அள்ளி கடத்த முயன்றதும் தெரியவந்தது. இதனையடுத்து போலீசார், மணிராஜ் உள்ளிட்ட 2 பேரையும் கைது செய்தனர்.