திருவாலங்காடு அருகே ரெயில் மோதி வாலிபர் பலி

திருவள்ளூர் மாவட்டம், திருவாலங்காடு ஒன்றியம், சின்னம்மாபேட்டை மேட்டுத்தெருவை சேர்ந்தவர் சங்கர். இவரது மகன் அஜித்குமார் (வயது 26). இவர் நேற்று முன்தினம் திருவாலங்காடு ரெயில் நிலையம் அருகே உள்ள தண்டவாளத்தை கடந்து தனது உறவினர் வீட்டுக்கு செல்ல முயன்றார். அப்போது அரக்கோணத்தில் இருந்து சென்னை சென்ற விரைவு ரெயில் மோதி அவர் பலியானார்.