தர்மபுரி அருகே மோட்டார் சைக்கிளில் கஞ்சா கடத்தியவர் கைது

தர்மபுரி:

தர்மபுரியை அடுத்த மதிகோன்பாளையம் போலீசார் மூக்கனூர் பகுதியில் வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிளில் வந்த நபரை நிறுத்தி போலீசார் சோதனை செய்தனர். அப்போது மோட்டார் சைக்கிளில் கஞ்சா இருப்பது தெரியவந்தது. இதுதொடர்பாக போலீசார் அவரிடம் விசாரணை நடத்தினர். அவர் வகுரப்பம்பட்டி பகுதியை சேர்ந்த மணிகண்டன் (வயது 31) என்பதும், கஞ்சா கடத்தி சென்றதும் தெரியவந்தது. இதையடுத்து அவரை போலீசார் கைது செய்தனர். அவரிடம் இருந்து 1 கிலோ கஞ்சா மற்றும் மோட்டார் சைக்கிளை போலீசார் பறிமுதல் செய்தனர்.