அரசு பஸ் மோதி மூதாட்டி பலி

ஆந்திர மாநிலத்தை சேர்ந்தவர் தண்டுமம்மாள்(வயது 60). இவர் ஸ்ரீரங்கம் கோவிலுக்கு சாமி கும்பிடுவதற்காக குடும்பத்தினருடன் வந்திருந்தார். திருச்சி ஸ்ரீரங்கம் அம்மா மண்டபம் சாலையில் நேற்று காலை இவர் சாலையை கடக்க முயன்றார். அப்போது ஸ்ரீரங்கத்தில் இருந்து மத்திய பஸ்நிலையம் நோக்கி வந்த அரசு பஸ் அவர் மீது மோதியது. இதில் அவருக்கு தலையில் பலத்த காயம் ஏற்பட்டது. அக்கம் பக்கத்தினர் அவரை மீட்டு சிகிச்சைக்காக திருச்சி அரசு ஆஸ்பத்திரிக்கு அனுப்பி வைத்தனர். ஆனால், அவர் ஆஸ்பத்திரிக்கு செல்லும் வழியிலேயே உயிரிழந்தார். இந்த விபத்து குறித்து திருச்சி வடக்கு போக்குவரத்து புலனாய்வு பிரிவு போலீசார் விசாரணை நடத்தி வருகின்றனர்.