கோவை
கோவைப்புதூரில் உள்ள ஒரு தனியார் கல்லூரி அருகே உள்ள ஒரு காலி இடத்தில் சிலர் கஞ்சா விற்பதாக குனியமுத்தூர் போலீசாருக்கு தகவல் கிடைத்தது. தகவலின் பேரில் போலீசார் சம்பவ இடத்திற்கு விரைந்து சென்றனர்.
அப்போது போலீசாரை கண்டதும் 2 பேர் தப்பி ஓட முயன்றனர். அவர்களை போலீசார் துரத்தி பிடித்து சோதனை செய்தனர். அதில் அவர்கள் கஞ்சா பொட்டலங்களை மறைத்து வைத்து விற்பனை செய்தது தெரியவந்தது.
மேலும் போலீஸ் விசாரணையில் அவர்கள் அறிவொளி நகரை சேர்ந்த சக்திவேல் (வயது 24), கிருஷ்ணகுமார் (24) என்பது தெரியவந்தது. அவர்கள் இருவரையும் கைது செய்த போலீசார், அவர்களிடம் இருந்து 1 கிலோ கஞ்சாவை பறிமுதல் செய்தனர்.