வியாபாரியை தாக்கியவர் கைது

திசையன்விளை:

திசையன்விளை அருகே முத்தம்மாள்புரத்தை சேர்ந்தவர் தனசேகர் (வயது 36). பனைவிளை கீழத்தெருவை சேர்ந்தவர் சிவராமகிருஷ்ணன். உறவினர்களான இவர்கள் இருவரும் திருப்பூரில் மளிகைக்கடை நடத்தி வருகின்றனர். இவர்களுக்கு இடையே முன்விரோதம் இருந்ததாக கூறப்படுகிறது. இந்தநிலையில் தனசேகர் தனது தம்பிக்கு திருமண ஏற்பாடு செய்வதற்காக சொந்த ஊருக்கு வந்ததார். அப்போது காரில் வந்த சிவராமகிருஷ்ணன் உள்பட 5 பேர் தனசேகரை வழிமறித்து அவரது முகத்தில் மிளகாய்பொடி வீசி தாக்கியதாக திசையன்விளை போலீசில் தனசேகர் புகார் செய்தார். சப்-இன்ஸ்பெக்டர் லிபி பால்ராஜ் வழக்குப்பதிவு செய்து சிவராமகிருஷ்ணனை கைது செய்தார். மேலும் 4 பேரை தேடி வருகிறார்.