விவசாயிகள் குறைதீர்க்கும் கூட்டம் 18-ந்தேதி நடக்கிறது

நாகர்கோவில்:

விவசாயிகள் குறைதீர்க்கும் கூட்டம் 18-ந்தேதி நடக்கிறது.

குமரி மாவட்ட கலெக்டர் அரவிந்த் வெளியிட்டுள்ள செய்திக்குறிப்பில் கூறப்பட்டு இருப்பதாவது:-

குமரி மாவட்டத்தில் மாதம் தோறும் விவசாயிகள் குறைதீர்க்கும் கூட்டம் நாகர்கோவிலில் உள்ள மாவட்ட கலெக்டர் அலுவலகத்தில் நடைபெற்று வருகிறது. அந்த வகையில் மார்ச் மாதத்திற்கான விவசாயிகள் குறை தீர்க்கும் கூட்டம் வருகிற 18-ந் தேதி (வெள்ளிக்கிழமை) காலை 11 மணிக்கு கலெக்டர் அலுவலக நாஞ்சில் கூட்ட அரங்கில் நடக்கிறது. கூட்டத்தில் விவசாயிகளின் விவசாயம் தொடர்பான கோரிக்கை மனுக்கள் நேரில் பெறப்படும். கோரிக்கை மனுக்கள் பதிவு செய்து ஒப்புகை பெறும் வசதி மாற்றுத்திறனாளிகள் நல அலுவலகத்தில் செய்யப்பட்டு உள்ளது. இந்த கூட்டத்தில் விவசாயிகள் கலந்துகொண்டு பயன்பெறலாம்.

இவ்வாறு அதில் கூறப்பட்டுள்ளது.

---