தினத்தந்தி புகார் பெட்டி

திருச்சி கும்பக்குடி பஞ்சாயத்து அண்ணாநகர் பகுதியில் அமைக்கப்பட்டுள்ள மின்கம்பம் சிதிலமடைந்து சிமெண்டு பூச்சுகள் உதிர்ந்து கம்பிகள் வெளியே தெரிகின்றன. பொதுமக்கள் நடமாட்டத்தின்போது இந்த மின்கம்பம் முறிந்து விழுந்தால் உயிரிழப்பு ஏற்படுவதுடன் அப்பகுதியில் உள்ள வீட்டு உபயோக மின்சாதன பொருட்கள் சேதம் அடைய அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், அண்ணாநகர், திருச்சி. 

திருச்சி திருவானைக்காவல் போலீஸ் செக்போஸ்ட் அருகில் இருந்து கொள்ளிடம் பாலம் வரை இருபுறம் உள்ள பெரும்பாலான  தெரு விளக்குகள் பல நாட்களாக எரியவில்லை.  மேலும் அப்பகுதியில் மதுபான கடை உள்ளதால் இரவு நேரத்தில் இருளை பயன்படுத்தி சட்ட விரோத செயல்கள் நடக்க அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

விக்னேஸ்வரன்,  பிச்சாண்டார் கோவில், திருச்சி. 

திருச்சி மாவட்டம், ஸ்ரீரங்கம் தாலுகா மல்லியம்பத்து ஊராட்சி  பி.எஸ்.எஸ்.  நகர் பகுதியில் ஏராளமான பொதுமக்கள் வசித்து வருகின்றனர். இப்பகுதியில் உள்ள வீடுகளில் இருந்து வெளியேறும் கழிவுநீர் செல்லும் வகையில் அப்பகுதியில் கழிவுநீர் வாய்க்கால் அமைக்கப்பட்டுள்ளது. இந்த நிலையில் இந்த வாய்க்காலில் அடைப்பு ஏற்பட்டு கழிவுநீர் செல்ல வழியின்றி தேங்கி நிற்கிறது. இதனால் அப்பகுதியில் நோய் பரவும் அபாயம் ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், பி.எஸ்.எஸ்.நகர், திருச்சி. 

திருச்சி மாவட்டம், உப்பிலியபுரம் ஒன்றியத்திலுள்ள வெங்கடாசலபுரம் ஊராட்சி புடலாத்தியில்  பொதுமக்களின் பயன்பாட்டிற்காக பொதுக்கழிவறைகள் கட்டப்பட்டன. இந்த கழிவறைகள் கட்டப்பட்டு 6 ஆண்டுகள் ஆகியும் பொதுமக்கள் பயன்பாட்டிற்கு வராமல் உள்ளது. இதனால் அப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், புடலாத்தி, திருச்சி. 

திருச்சி மாவட்டம் புள்ளம்பாடி ஒன்றியத்தில் கல்லக்குடி-பாடாலூர் தேசிய நெடுஞ்சாலையில் தாப்பாய் உப்பு ஓடை அருகே   சாலை சிதிலமடைந்து ஜல்லி கற்கள் பெயர்ந்து குண்டும், குழியுமாக காணப்படுகிறது. இதனால் வாகன ஓட்டிகள் பெரிதும் அவதிப்பட்டு வருகின்றனர். மேலும் இரு சக்கர வாகனங்களில் செல்பவர்கள் நிலைதடுமாறி கீழே விழுந்து காயம்  அடைந்து வருகின்றனர்.  எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், கல்லக்குடி, திருச்சி.